Hero ban gaya zero :((

Haan yeh main hoon, aur main chilla chilla ke keh raha hoon yeh baat. Beta mumbai mein ho to kabhi bhagwaan indra se panga nahin lena. aur agar lena bhi hai to remember you are not a Sunny deol or the more in fad Rajnikant, who can with all those gravity defying stunts silence all their enemies.
To keep a long story as long as possible,

Hua yeh,
ki pichle shanivaar,
nikle hum apni dhanno pe sawaar,
powai se colaba,
guitar theek karwaana hai tha pucca irada,
naa poochna kyun gaye itni door,
humein bata dete hain ishtyle maarne ka hai dastoor,
socha dhanno pe dekh humein sawaar,
bagal mein daale hamara guitar,
kya maaloom ho jaaye koi haseena hum jaanisaar,
to issi khwaab mein mashgool ja rahe the itni door,
ke beech mein bol pade meghdoot,
aur bole to aise bole,
ki reh gaye hum to bhochakke,
par aji haan herogiri chaayee thi hum par aisi,
ki bole beta date raho maidan mein,
hogi jeet tumhari hi,
to bus chalte ja rahe chalte ja rahe,
na baarish ki chinta, na girne ka darr,
chale ja chale ja rahe,
ki tabhi aaya humko dhyaan,
jeb mein hain hamari jaan,
yaani hamara pyaara sa mobile shreeman,
kahin paani se ho jaaye na iska naash,
daal diya guitar ke bag mein usko,
ki bachega paani se woh,
lekin hai re hamari kismat,
pahunch ke colaba khola jo humne bag,
paani ke saagar mein gote laga raha tha,
bus phir kya tha,
teen din,
teen din bade saahas se lada hamara mobile,
par honi to kucch aur hi thi,
ho gaya woh veergati ko praapt,
aur tab se bus issi ke dukh mein ji rahe hain,
na mili haseena, bahaya itna paseena,
aur kar diya 5500 rokre ka chuna,
chalte chalte phisal gaye so alag,
to doston mere,
agar is sadi hui kavita ke ant tak aa hi chuke ho aap,
to sunte jao yeh aakhri alaap,
chalo rehno do,
phir bataonga, abhi nahin ban raha yeh alaap.


P.s - i know this post sucks big time. My apologies for the extra headache. dispirings available on the house. :D.